ಚಳಿಗಾಲ ಬಂದಾಯ್ತು. ಪ್ರತಿ ಸೀಸನ್‌ ಬದಲಾದಾಗಲೂ ಆರೋಗ್ಯಕ್ಕೆ ಸಂಬಂಧಿಸಿದ ಸಮಸ್ಯೆಗಳೂ ಹೆಚ್ಚಾಗಿ ಕಂಡುಬರುತ್ತವೆ. ನಾವು ಚಳಿಗಾಲದ ದಿನಗಳ ಬಗ್ಗೆ ತಿಳಿದುಕೊಳ್ಳುವುದಾದರೆ ಶೀತ, ಕೆಮ್ಮು, ಜ್ವರ, ಸೋಂಕು ಮತ್ತು ಮೂಳೆ ಸಂಬಂಧಿತ ಸಮಸ್ಯೆಗಳು ಈ ದಿನಗಳಲ್ಲಿ ಸಾಕಷ್ಟು ಸಾಮಾನ್ಯವಾಗಿದೆ. ಅಷ್ಟೇ ಅಲ್ಲ, ಚಳಿಗಾಲದಲ್ಲಿ ನಾವು ನಮ್ಮ ಆಹಾರ ಪದ್ಧತಿಯ ಬಗ್ಗೆಯೂ ಹೆಚ್ಚು ಕಾಳಜಿ ವಹಿಸಬೇಕು. ತಿನ್ನುವ ಮತ್ತು ಕುಡಿಯುವಲ್ಲಿ ಸ್ವಲ್ಪ ಅಡಚಣೆಯು ನಮ್ಮ ಜೀರ್ಣಕ್ರಿಯೆಯ ಮೇಲೆ ನೇರ ಪರಿಣಾಮ ಬೀರುತ್ತದೆ.
ಇದೇ ಕಾರಣಕ್ಕಾಗಿ ಕೆಲವರಿಗೆ ಚಳಿಗಾಲವೆಂದರೆ ಸಮಸ್ಯೆ. ಮತ್ತೆ ಕೆಲವು ಜನರು ಇತರರಿಗಿಂತ ಹೆಚ್ಚು ಶೀತವನ್ನು ಅನುಭವಿಸುತ್ತಾರೆ. ಶೀತದ ಸಮಸ್ಯೆ ಅವರನ್ನು ಸಾಕಷ್ಟು ಬಾಧಿಸುತ್ತದೆ. ಆದರೆ ಚಳಿಗಾಲದಿಂದ ನಿಮ್ಮನ್ನು ರಕ್ಷಿಸಿಕೊಳ್ಳಲು ಹಲವು ಮಾರ್ಗಗಳಿವೆ. ಉದಾಹರಣೆಗೆ ಬೆಚ್ಚಗಿನ ಬಟ್ಟೆಗಳನ್ನು ಧರಿಸುವುದು ಮತ್ತು ಹೀಟರ್ ಬಳಸುವುದು. ಈ ಎಲ್ಲಾ ವಸ್ತುಗಳು ನಿಮಗೆ ಹೊರಗಿನಿಂದ ಉಷ್ಣತೆಯನ್ನು ನೀಡುತ್ತವೆ. ಆದರೆ ನಿಮ್ಮ ದೇಹವನ್ನು ಒಳಗಿನಿಂದಲೂ ಬೆಚ್ಚಗಿಡಬೇಕು. ಅಂದಹಾಗೆ ಚಳಿಗಾಲದ ದಿನಗಳಲ್ಲಿ ನೀವು ಸಂಪೂರ್ಣವಾಗಿ ಆರೋಗ್ಯವಾಗಿರಲು ಬಯಸಿದರೆ, ಈ ಲೇಖನವು ನಿಮಗೆ ತುಂಬಾ ಉಪಯುಕ್ತವಾಗಿದೆ. ಇಲ್ಲಿ ಥಂಡಿಯ ದಿನಗಳಲ್ಲಿ ತಣ್ಣೀರಿನ ಬದಲು ಬಿಸಿನೀರನ್ನು ಏಕೆ ಸೇವಿಸಬೇಕು, ಬಿಸಿನೀರಿನ ಸೇವನೆಯಿಂದ ಏನೆಲ್ಲಾ ಪ್ರಯೋಜನಗಳಿವೆ? ನೋಡೋಣ ಬನ್ನಿ..
ದೇಹವನ್ನು ಡಿಟಾಕ್ಸ್ ಮಾಡುತ್ತದೆ
ಈ ಚಳಿಗಾಲದ ದಿನಗಳಲ್ಲಿ ನೀವು ಬಿಸಿನೀರನ್ನು ಸೇವಿಸಿದರೆ ನಿಮ್ಮ ದೇಹವು ಒಳಗಿನಿಂದ ನಿರ್ವಿಷಗೊಳ್ಳುತ್ತದೆ ( Detoxify). ಚಳಿಗಾಲದ ದಿನಗಳಲ್ಲಿ, ಬೆಳಗ್ಗೆ ಎದ್ದ ನಂತರ ನೀವು ಮಾಡಬೇಕಾದ ಮೊದಲ ಕೆಲಸವೆಂದರೆ ಒಂದು ಲೋಟ ಬೆಚ್ಚಗಿನ ನೀರನ್ನು ಕುಡಿಯುವುದು. ಬಿಸಿನೀರಿನ ಸೇವನೆಯು ನಿಮ್ಮ ದೇಹವನ್ನು ನಿರ್ವಿಷಗೊಳಿಸುವುದು ಮಾತ್ರವಲ್ಲದೆ ನಿಮ್ಮ ರಕ್ತ ಮತ್ತು ಹೊಟ್ಟೆಯನ್ನು ಸ್ವಚ್ಛಗೊಳಿಸುತ್ತದೆ.
ಉತ್ತಮ ರಕ್ತ ಪರಿಚಲನೆ
ಈ ಚಳಿಗಾಲದ ದಿನಗಳಲ್ಲಿ ನೀವು ಬಿಸಿನೀರನ್ನು ಸೇವಿಸಿದರೆ, ನಿಮ್ಮ ದೇಹದಲ್ಲಿ ರಕ್ತ ಪರಿಚಲನೆಯು ಉತ್ತಮ ಮತ್ತು ವೇಗವಾಗಿರುತ್ತದೆ. ಬಿಸಿನೀರು ಕುಡಿಯುವುದರಿಂದ ನಿಮ್ಮ ದೇಹವು ಒಳಗಿನಿಂದ ಬೆಚ್ಚಗಿರುತ್ತದೆ.
ನಿಮ್ಮ ತ್ವಚೆಯು ಹೊಳೆಯುತ್ತದೆ
ನಿಮಗೆ ತ್ವಚೆಗೆ ಸಂಬಂಧಿಸಿದ ಯಾವುದೇ ಸಮಸ್ಯೆ ಇದ್ದರೆ ಈ ಚಳಿಗಾಲದ ದಿನಗಳಲ್ಲಿ ನೀವು ಬಿಸಿನೀರನ್ನು ಮಾತ್ರ ಸೇವಿಸಬೇಕು. ಈ ಚಳಿಗಾಲದ ದಿನಗಳಲ್ಲಿ ಬಿಸಿನೀರು ಕುಡಿಯುವುದರಿಂದ ಚರ್ಮದ ಸಮಸ್ಯೆಗಳು ದೂರವಾಗುವುದಲ್ಲದೆ ನಿಮ್ಮ ತ್ವಚೆಯು ಹೊಳೆಯುತ್ತದೆ.
