45ನೇ ವಯಸ್ಸಿಗೆ ಮತ್ತೆ ತಾಯಿಯಾಗುತ್ತಿದ್ದಾರಂತೆ ಈ ಗಾಯಕಿ!

ಚಿತ್ರರಂಗದ ಸೆಲೆಬ್ರಿಟಿಗಳು ಸದಾ ಒಂದಿಲ್ಲೊಂದು ವಿಚಾರಕ್ಕೆ ಸುದ್ದಿಯಲ್ಲಿರುತ್ತಾರೆ. ಅವರ ವೃತ್ತಿಜೀವನದ ವಿಷಯಗಳಿಗಿಂತ ಹೆಚ್ಚಾಗಿ ತಮ್ಮ ವೈಯಕ್ತಿಕ ವಿಚಾರಕ್ಕಾಗಿ ವಿವಾದದಲ್ಲಿರುತ್ತಾರೆ. ಖ್ಯಾತ ಗಾಯಕಿಯೊಬ್ಬರು ಸಹ ತಮ್ಮ ವೈಯಕ್ತಿಕ ವಿಷಯಗಳಿಂದ ಸದಾ ಸುದ್ದಿಯಲ್ಲಿರುತ್ತಾರೆ. ಇತ್ತೀಚೆಗಷ್ಟೇ ಇವರು 45ನೇ ವಯಸ್ಸಿನಲ್ಲಿ ಮತ್ತೆ ತಾಯಿಯಾಗಲಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ. ಯಾರು ಆ ಸೆಲೆಬ್ರಿಟಿ ಅಂತೀರಾ?. ಮತ್ತಾರೂ ಅಲ್ಲ, ಗಾಯಕಿ ಸುನಿತಾ. ಸುನಿತಾ ಬಗ್ಗೆ ತೆಲುಗು ಪ್ರೇಕ್ಷಕರಿಗೆ ವಿಶೇಷವಾಗಿ ಹೇಳುವ ಅಗತ್ಯವಿಲ್ಲ. ಈಕೆಯ ಹಾಡು ಕೇಳಿದರೆ ಪುಳಕಿತರಾಗುತ್ತಾರೆ. ತನ್ನ ಮಧುರ ಕಂಠದಿಂದ ಕೇಳುಗರನ್ನು ಮಂತ್ರಮುಗ್ಧಗೊಳಿಸುತ್ತಾರೆ.
ಮಧುರವಾದ ಧ್ವನಿಗೆ ಮಾತ್ರವಲ್ಲದೆ ಸೌಂದರ್ಯದಿಂದಲೂ ಫೇಮಸ್‌ ಆಗಿರುವ ಗಾಯಕಿ ಸುನಿತಾ ಅವರು ತಮ್ಮ 19 ನೇ ವಯಸ್ಸಿಗೆ ಸಾವಿರಾರು ಹಾಡುಗಳನ್ನು ಹಾಡುವ ಮೂಲಕ ಹೆಸರು ಮಾಡಿದ್ದಾರೆ. ಗಾಯಕಿ ಸುನಿತಾ ಅವರು ತೆಲುಗು ಮಾತ್ರವಲ್ಲದೆ ಕನ್ನಡ, ತಮಿಳು ಮತ್ತು ಮಲಯಾಳಂ ಭಾಷೆಗಳಲ್ಲಿ 3000 ಕ್ಕೂ ಹೆಚ್ಚು ಹಾಡುಗಳನ್ನು ಹಾಡಿದ್ದಾರೆ. ಅವರು ಹಾಡುವ ಯಾವುದೇ ಹಾಡು ವಿಶೇಷವಾಗಿರುತ್ತದೆ. ಸುನಿತಾ ಗಾಯಕಿ ಮಾತ್ರವಲ್ಲ.. ಡಬ್ಬಿಂಗ್ ಕಲಾವಿದೆಯೂ ಹೌದು. ಇಲ್ಲಿಯವರೆಗೆ ಸುಮಾರು 500 ಸಿನಿಮಾಗಳಿಗೆ ಡಬ್ಬಿಂಗ್ ಮಾಡಿದ್ದಾರೆ.
ರಿಯಾಲಿಟಿ ಶೋಗಳಲ್ಲಿ ತೀರ್ಪುಗಾರರಾಗಿಯೂ ಸಹ ತೆಲುಗು ಪ್ರೇಕ್ಷಕರಿಗೆ ಹತ್ತಿರವಾಗುತ್ತಿದ್ದಾರೆ. ಇನ್ನು ಸುನೀತಾ ಅವರ ವೈಯಕ್ತಿಕ ವಿಚಾರಕ್ಕೆ ಬಂದರೆ 19ನೇ ವಯಸ್ಸಿನಲ್ಲಿ ಮದುವೆಯಾದರು. ಅವರಿಗೆ ಆಕಾಶ್ ಶ್ರೇಯಾ ಎಂಬ ಇಬ್ಬರು ಮಕ್ಕಳಿದ್ದಾರೆ. ಆದರೆ ಕೆಲವು ವೈಯಕ್ತಿಕ ಕಾರಣಗಳಿಂದ ಡಿವೋರ್ಸ್‌ ಪಡೆದರು. ಸುನೀತಾ ಮೂರು ವರ್ಷಗಳ ಹಿಂದೆ ರಾಮ್ ವೀರಪನೇನಿ ಎಂಬ ಪ್ರಮುಖ ಉದ್ಯಮಿಯೊಂದಿಗೆ ಎರಡನೇ ಬಾರಿಗೆ ವಿವಾಹವಾದರು. ಇವರ ಮಗ ಇತ್ತೀಚೆಗೆ ‘ಸರ್ಕಾರು ನೌಕ್ರಿ’ ಮೂಲಕ ಟಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ.
ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯವಾಗಿರುವ ಸುನೀತಾ ಆಗಾಗ ತಮ್ಮ ಫೋಟೋಗಳು ಮತ್ತು ವೈಯಕ್ತಿಕ ವಿಷಯವನ್ನು ಹಂಚಿಕೊಳ್ಳುತ್ತಾ ಪ್ರೇಕ್ಷಕರನ್ನು ರಂಜಿಸುತ್ತಾರೆ. ಏತನ್ಮಧ್ಯೆ, ಆಕೆಯ ಎರಡನೇ ಮದುವೆಯ ನಂತರ, ಸಾಮಾಜಿಕ ಮಾಧ್ಯಮದಲ್ಲಿ ಹಲವಾರು ವದಂತಿಗಳು ಸೃಷ್ಟಿಯಾಗುತ್ತಿವೆ. 45ನೇ ವಯಸ್ಸಿನಲ್ಲಿ ಮತ್ತೆ ತಾಯಿಯಾಗಲಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಇವುಗಳ ಬಗ್ಗೆ ಎಷ್ಟು ಬಾರಿ ಸ್ಪಷ್ಟನೆ ನೀಡಿದರೂ ವದಂತಿಗಳು ನಿಂತಿಲ್ಲ. ಇಂತಹ ವದಂತಿಗಳನ್ನು ಹುಟ್ಟುಹಾಕಿದವರ ವಿರುದ್ಧ ಗಾಯಕಿ ಸುನಿತಾ ಕಿಡಿಕಾರಿದ್ದಾರೆ. ಎಷ್ಟೇ ಹೇಳಿದರೂ ವದಂತಿಗಳು ನಿಲ್ಲದ ಕಾರಣ ಸದ್ಯ ಇವುಗಳತ್ತ ಗಮನ ಹರಿಸುವುದನ್ನು ನಿಲ್ಲಿಸಿದ್ದಾರೆ.