ರಿಯಾಲಿಟಿ ಶೋಗಳ ಮೂಲಕ ಫೇಮಸ್ ಆದ ನಿವೇದಿತಾ ಗೌಡ ಇಂದು ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಟ್ರೋಲ್ ಆಗೋರಲ್ಲಿ ಒಬ್ಬರು. ಇವರು ಒಂದು ವಿಡಿಯೋ ಪೋಸ್ಟ್ ಮಾಡಿದರೆ, ಸಾವಿರಾರು ನೆಗಟಿವ್ ಕಾಮೆಂಟ್ಸ್, ಕೆಟ್ಟ ಕಾಮೆಂಟ್ಸ್ ಗಳು ಬರುತ್ತಲೇ ಇರುತ್ತವೆ. ಆದರೆ ಇದಕ್ಕೆಲ್ಲಾ ನಿವೇದಿತಾ ಗೌಡ ತಲೆಕೆಡಿಸಿಕೊಳ್ಳುವುದೇ ಇಲ್ಲ. ಯಾವುದೇ ಕಾರಣಕ್ಕೆ ವಿಡಿಯೋ ಪೋಸ್ಟ್ ಮಾಡೋದನ್ನ ಬಿಡದ ನಿವೇದಿತಾ, ಇನ್ಸ್ಟಾಗ್ರಾಮ್ ನಲ್ಲಿ ದಿನಕ್ಕೊಂದು ರೀಲ್ಸ್ ಹಾಕುತ್ತಲೇ ಇರುತ್ತಾರೆ. ಇವರಿಗೆ ಬರುವ ನೆಗಟಿವ್ ಕಾಮೆಂಟ್ಸ್ ಗಳನ್ನು ಓದಿದರೆ ಎಂಥವರಿಗು ಯಪ್ಪಾ ಇದೆಲ್ಲಾ ಬೇಕಾ ಎಂದು ಅನ್ನಿಸದೆ ಇರದು. ಆದರೆ ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳೋದಿಲ್ಲ ನಿವೇದಿತಾ. ಇದೀಗ ಇವರು ಮತ್ತೆ ಶೇರ್ ಮಾಡಿರುವ ವಿಡಿಯೋ ಒಂದು ಸಿಕ್ಕಾಪಟ್ಟೆ ಟ್ರೋಲ್ ಆಗಿದೆ.
ಈ ಸೋಷಿಯಲ್ ಮೀಡಿಯಾ ಬಳಕೆ ಹೆಚ್ಚಾದಾಗಿನಿಂದ ಜನರು ಎಲ್ಲರ ಬಗ್ಗೆ ಕೆಟ್ಟದಾಗಿ ಮಾತನಾಡುವುದು ಕಾಮೆಂಟ್ಸ್ ಬರೆಯುವುದು ಕೂಡ ಜಾಸ್ತಿಯೇ ಆಗಿದೆ. ಅದು ಸೆಲೆಬ್ರಿಟಿಯೇ ಆಗಿರಲಿ, ಅಥವಾ ಕಿರುತೆರೆಯಲ್ಲಿ ಗುರುತಿಸಿಕೊಂಡವರೆ ಆಗಿರಲಿ, ಅವರ ಬಗ್ಗೆ ಪಾಸಿಟಿವ್ ಗಿಂತ ನೆಗಟಿವ್ ಕಾಮೆಂಟ್ ಗಳು ಬರುವುದೇ ಜಾಸ್ತಿ. ಕೆಲವರು ಇದರ ಬಗ್ಗೆ ತಲೆಕೆಡಿಸಿಕೊಂಡು ಕೂತರೆ, ಇನ್ನು ಕೆಲವರು ತಮ್ಮ ಮನಸ್ಸಿಗೆ ಬಂದಿದ್ದನ್ನು ಮಾಡುತ್ತಾರೆ. ಅದೇ ವರ್ಗಕ್ಕೆ ಸೇರಿದವರು, ಇದುವರೆಗೂ ಎಷ್ಟೇ ನೆಗಟಿವ್ ಕಾಮೆಂಟ್ಸ್ ಗಳು ಬಂದಿದ್ದರು ಸಹ, ತಮ್ಮ ಪಾಡಿಗೆ ತಾವು ಇರುತ್ತಿದ್ದರು. ಆದರೆ ಈಗ ಕಾಲ ಬದಲಾಗಿದೆ, ನಿವೇದಿತಾ ಗೌಡ ಕಾಮೆಂಟ್ಸ್ ಗಳಿಗೆ ರಿಪ್ಲೈ ಮಾಡುತ್ತಾರೆ. ಇದೆಲ್ಲ ಒಂದು ಸ್ಟೋರಿ. ಆದರೆ ಇವತ್ತಿನ ಕಥೆಯೇ ಬೇರೆ ಆಗಿದೆ.
ನಮಗೆಲ್ಲಾ ಗೊತ್ತಿರುವ ಹಾಗೆ, ನಿವೇದಿತಾ ಗೌಡ ಈಗ ಕಲರ್ಸ್ ಕನ್ನಡ ವಾಹಿನಿಯ ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋನಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಈ ಶೋ ಇಂದ ಇವರಿಗೆ ಮತ್ತೆ ಲೈಮ್ ಲೈಟ್ ಸಿಗುತ್ತಿದೆ. ಚಂದನ್ ಶೆಟ್ಟಿ ಅವರಿಂದ ವಿಚ್ಛೇದನ ಪಡೆದ ನಂತರ ನಿವೇದಿತಾ ಗೌಡ ಕಾಣಿಸಿಕೊಳ್ಳುತ್ತಿರುವ ಮೊದಲ ಶೋ ಇದು. ಈ ಶೋ ಅವರಿಗೆ ಒಳ್ಳೆಯ ಹೆಸರನ್ನು ತಂದುಕೊಡುತ್ತಿದೆ. ಮೊನ್ನೆಯಷ್ಟೇ ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋನಲ್ಲಿ ನಿವೇದಿತಾ ಗೌಡ ತಮ್ಮ ತಂದೆಯ ಬಗ್ಗೆ ಮಾತನಾಡಿ ಭಾವುಕರಾದರು..ತಂದೆ ತಾಯಿಯ ವಿಚಾರದ ಬಗ್ಗೆ ಮಾತನಾಡುತ್ತಾ ಭಾವುಕರಾಗಿದ್ದಾರೆ. ನಿವೇದಿತಾ ಅವರ ಲೈಫ್ ನಲ್ಲಿ ಅಪ್ಪನ ಸಪೋರ್ಟ್ ತುಂಬಾ ಇದೆ. ಆ ವಿಷಯದ ಬಗ್ಗೆ ಅವರು ಶೋನಲ್ಲಿ ಮಾತನಾಡಿ, ತಂದೆಯನ್ನು ನೆನೆದು ಕಣ್ಣೀರು ಹಾಕಿದ್ದಾರೆ.
ಜೀವನದಲ್ಲಿ ಅನಿರೀಕ್ಷಿತವಾದ ಅಂದುಕೊಳ್ಳದ ಘಟನೆಗಳು ನಡೆದು, ನಿವೇದಿತಾ ಅವರು ಕುಗ್ಗಿದಾಗ, ಅವರ ತಂದೆ ಜೊತೆಯಲ್ಲಿ ನಿಂತು ಸಪೋರ್ಟ್ ಮಾಡಿದರಂತೆ. ಅಪ್ಪನ ಸಪೋರ್ಟ್ ಇಲ್ಲದೇ ಹೋಗಿದ್ದರೆ, ಇಂದು ನಾನು ಸ್ಟ್ರಾಂಗ್ ಆಗಿ ನಿಂತಿರೋದಕ್ಕೆ ಸಾಧ್ಯ ಆಗಿದೆ ಎಂದು ನಿವೇದಿತಾ ಗೌಡ ಹೇಳಿದ್ದಾರೆ. ಅಪ್ಪನ ಬಗ್ಗೆ ಹೇಳಿ, ವೇದಿಕೆಯ ಮೇಲೆಯೇ ಕಣ್ಣೀರು ಹಾಕಿದ್ದಾರೆ. ನಿವೇದಿತಾ ಹೀಗೆ ಭಾವುಕರಾಗಿದ್ದನ್ನ ನೋಡಿ, ಅವರ ಕಥೆಯನ್ನು ಕೇಳಿ, ಬಾಯ್ಸ್ ವರ್ಸಸ್ ಗರ್ಲ್ಸ್ ಶೋನ ಇತರ ಸ್ಪರ್ಧಿಗಳು ಸಹ ಭಾವುಕರಾದರು. ಅವರು ಕೂಡ ಕಣ್ಣೀರು ಹಾಕಿದರು. ಇದರ ಜೊತೆಗೆ ಮೊನ್ನೆಯಷ್ಟೇ ನಿವೇದಿತಾ ಗೌಡ ತಮ್ಮ ತಂದೆಯವರ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಸೆಲೆಬ್ರೇಟ್ ಮಾಡಿದ್ದಾರೆ.
ಆ ಫೋಟೋಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ. ಇದೆಲ್ಲ ಆಗಿ ಒಂದೆರಡೇ ದಿನಕ್ಕೆ, ಯಥಾವತ್ತಾಗಿ ನಿವೇದಿತಾ ಗೌಡ ಮತ್ತೊಂದು ರೀಲ್ಸ್ ಶೇರ್ ಮಾಡಿ ಟ್ರೋಲ್ ಆಗಿದ್ದಾರೆ. ಈ ಬಾರಿ ರೆಡ್ ಬ್ಲ್ಯಾಕ್ ಧರಿಸಿ ಬಾತ್ ರೂಮ್ ನಲ್ಲಿ ರೀಲ್ಸ್ ಮಾಡಿದ್ದು, ಸಖತ್ ಆಗಿ ಡ್ಯಾನ್ಸ್ ಮಾಡಿದ್ದಾರೆ. ಇದಕ್ಕಾಗಿ ಅವರಿಗೆ ನೆಗಟಿವ್ ಕಾಮೆಂಟ್ಸ್ ಗಳೇ ಜಾಸ್ತಿ ಬರುತ್ತಿದೆ. ನಿವೇದಿತಾ ಗೌಡ ಯಾವಾಗಲೂ ಬಾತ್ ರೂಮ್ ನಲ್ಲೇ ರೀಲ್ಸ್ ಮಾಡುತ್ತಾರಲ್ಲಾ ಎಂದು ಒಬ್ಬರು ಹೇಳಿದರೆ, ಮೊನ್ನೆಯಷ್ಟೇ ವೇದಿಕೆಯಲ್ಲಿ ಭಾವುಕರಾಗಿ ಕಣ್ಣೀರು ಹಾಕಿ, ಈಗ ಈ ಥರ ರೀಲ್ಸ್ ಶೇರ್ ಮಾಡೋದಾ ಎಂದಿದ್ದಾರೆ. ಈ ಥರ ಎಲ್ಲಾ ಆಡೋದಕ್ಕೆ ಚಂದನ್ ಶೆಟ್ಟಿ ಅವರನ್ನ ಬಿಟ್ಟು ಬಂದಿದ್ದಾ ಎಂದು ಹೇಳುತ್ತಿದ್ದಾರೆ. ಹೀಗೆ ನಿವೇದಿತಾ ಗೌಡ ಅವರಿಗೆ ಸಾಲು ಸಾಲು ನೆಗಟಿವ್ ಕಾಮೆಂಟ್ಸ್ ಗಳು ಕೇಳಿ ಬರುತ್ತಿದೆ.
ಇನ್ನು ನಿವೇದಿತಾ ಗೌಡ ಬಿಗ್ ಬಾಸ್ ಇಂದ ತಕ್ಕಮಟ್ಟಿಗೆ ಫೇಮಸ್ ಆದರೂ ಸಹ ಅವರಿಗೆ ಹೆಚ್ಚು ಜನಪ್ರಿಯತೆ ಸಿಕ್ಕಿದ್ದು, ಎಲ್ಲರ ಬಾಯಲ್ಲಿ ಅವರ ಹೆಸರು ಬರೋದಕ್ಕೆ ಶುರುವಾಗಿದ್ದು ಚಂದನ್ ಶೆಟ್ಟಿ ಅವರೊಡನೆ ಮದುವೆಯಾದ ಬಳಿಕ. ಇವರಿಬ್ಬರು ಬಿಗ್ ಬಾಸ್ ನಲ್ಲಿ ಪರಿಚಿತರಾಗಿ, ಫ್ರೆಂಡ್ಶಿಪ್ ಶುರುವಾಗಿ, ಲವ್ ಆಗಿ, ಕೊನೆಗೆ ಮದುವೆಯಾದರು. ಮದುವೆ ನಂತರ ಚೆನ್ನಾಗಿಯೇ ಇದ್ದ ಜೋಡಿಗೆ ಇದ್ದಕ್ಕಿದ್ದಂತೆ ಏನಾಯ್ತು ಗೊತ್ತಿಲ್ಲ, ಕಳೆದ ವರ್ಷ ಇಬ್ಬರೂ ಜೊತೆಯಾಗೆ ಕೋರ್ಟ್ ಗೆ ಬಂದು ವಿಚ್ಛೇದನ ಪಡೆದರು. ಇಬ್ಬರು ದೂರವಾದ ನಂತರ ನಿವೇದಿತಾ ಗಡ ಮೊದಲಿಗಿಂತಲು ಹೆಚ್ಚು ಟ್ರೋಲ್ ಆಗುತ್ತಿದ್ದಾರೆ. ಇವರು ಏನೇ ಪೋಸ್ಟ್ ಮಾಡಿದರು ನೆಗಟಿವ್ ಕಾಮೆಂಟ್ ಗಳು ಬರುತ್ತಲೇ ಇರುತ್ತವೆ. ಆದರೆ ನಿವೇದಿತಾ ಮಾತ್ರ ತಮ್ಮ ಕೆಲಸಗಳಲ್ಲಿ ಬ್ಯುಸಿ ಆಗಿದ್ದಾರೆ..
