2025ರ ಮಹಾಕುಂಭ ಪ್ರಯಾಗರಾಜ್‌ನಲ್ಲಿ ನಡೆಯುತ್ತಿದ್ದು, ಸದ್ಯ ಇದು ಸುದ್ದಿಯಲ್ಲಿದೆ. ಮಹಾಕುಂಭದಲ್ಲಿಯೇ ಮೊನಾಲಿಸಾ ಎಂಬ ಹುಡುಗಿಯೂ ವೈರಲ್ ಆಗಿದ್ದಾಳೆ. ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ಈ ಹುಡುಗಿಯ ಸೌಂದರ್ಯವೇ ಈಕೆಗೀಗ ಮುಳುವಾಗಿದೆ. “ಕೆಲವರು ಬಲವಂತವಾಗಿ ತನ್ನೊಂದಿಗೆ ಛಾಯಾಚಿತ್ರಗಳನ್ನು ತೆಗೆಯಲು ಪ್ರಯತ್ನಿಸುತ್ತಿದ್ದಾರೆ ಮತ್ತು ತನ್ನ ಸಹೋದರನನ್ನು ಸಹ ಥಳಿಸಿದ್ದಾರೆ” ಎಂದು ವೈರಲ್ ಹುಡುಗಿ ಹೇಳಿದ್ದಾಳೆ. ಈಗ ಆಕೆ ಎಷ್ಟು ಭಯಗೊಂಡಿದ್ದಾಳೆ ಎಂದರೆ ಮಹಾ ಕುಂಭಮೇಳದಿಂದ ಹೊರಹೋಗುವಂತೆ ಒತ್ತಾಯಿಸಲಾಗಿದೆ.
2025 ರ ಮಹಾಕುಂಭದಲ್ಲಿ ವೈರಲ್ ಆದ ಹುಡುಗಿ ಮೊನಾಲಿಸಾ ಸೌಂದರ್ಯಕ್ಕೆ ಫಿದಾ ಆಗದವರಿಲ್ಲ. ಇದೀಗ ಅವರೇ ವಿಡಿಯೋ ಮೂಲಕ ಮಾಧ್ಯಮಗಳು ಹಾಗೂ ಇತರರಿಂದ ಸಾಕಷ್ಟು ಕಿರುಕುಳ ಅನುಭವಿಸಿದ್ದಾರೆ ಎಂದು ಹೇಳಿದ್ದಾರೆ. ಇದರಿಂದ ನನ್ನ ತಂದೆ-ತಾಯಿ ಕೂಡ ತುಂಬಾ ಚಿಂತಿತರಾಗಿದ್ದಾರೆ. ಈಗ ಈ ಕಾರಣಕ್ಕೆ ನನ್ನ ಪೋಷಕರು ನನ್ನನ್ನು ಹಳ್ಳಿಗೆ ವಾಪಸ್ ಕಳುಹಿಸುತ್ತಿದ್ದಾರೆ. ನನಗೆ ತುಂಬಾ ಬೇಸರವಾಗಿದೆ ಎಂದಿದ್ದಾಳೆ.
3 ಲಕ್ಷ ಸಾಲ ಮಾಡಿ ಮಹಾಕುಂಭಕ್ಕೆ ಬಂದೆವು
ತಾನು ಸಾಲದಲ್ಲಿದ್ದೇನೆ ಎಂದು ಮೊನಾಲಿಸಾ ಹೇಳಿದ್ದಾರೆ. ಮಹೇಶ್ವರದಿಂದ 3 ಲಕ್ಷ ಸಾಲ ಮಾಡಿ ರುದ್ರಾಕ್ಷ ಮಣಿಗಳನ್ನು ತಂದಿದ್ದೇವೆ ಎಂದು ತಿಳಿಸಿದರು. ಅದರಲ್ಲಿಯೂ ಮೊನಾಲಿಸಾ ಆ ಹೂಮಾಲೆಗಳನ್ನು ಮಾರಾಟ ಮಾಡುವ ಮೂಲಕ ಮತ್ತು Instagram, Facebook ಮತ್ತು ಸಾಮಾಜಿಕ ಮಾಧ್ಯಮಗಳ ಮೂಲಕ ಹಣ ಗಳಿಸುತ್ತಿದ್ದಾರೆ ಎಂದು ನೀವು ಯೋಚಿಸುತ್ತಿರಬಹುದು. ಆದರೆ ಹಾಗಲ್ಲ, “ನಾನು 500 ರೂಪಾಯಿ ಕೂಡ ಗಳಿಸಿಲ್ಲ. ನನ್ನ ನಕಲಿ ಮೇಲ್ ಐಡಿಯನ್ನು ಹಲವರು ಸೃಷ್ಟಿಸಿದ್ದಾರೆ “ಎಂದು ಮೊನಾಲಿಸಾ ತಿಳಿಸಿದ್ದಾರೆ.
ಸಹಾಯಕ್ಕಾಗಿ ಯೋಗಿ ಆದಿತ್ಯನಾಥ್ ಅವರಿಗೆ ಮನವಿ
ಮೊನಾಲಿಸಾ ಜನರು ಮತ್ತು ಮಾಧ್ಯಮದಿಂದ ಎಷ್ಟು ಅಸಮಾಧಾನಗೊಂಡಿದ್ದಾರೆಂದರೆ, ಅವರು ಈಗ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಸಹಾಯಕ್ಕಾಗಿ ಮನವಿ ಮಾಡಿದ್ದಾರೆ. ಯೋಗಿ ಆದಿತ್ಯನಾಥ್ ಅವರಿಗೆ ಸಹಾಯ ಮಾಡುವಂತೆ ಕೋರುತ್ತೇನೆ ಎಂದು ಹೇಳಿದ್ದಾರೆ. “ ನನಗೆ ಈ ಜಾತ್ರೆಯಲ್ಲಿ ಇರಬೇಕೆಂದು ಬಹಳ ಆಸೆ ಇತ್ತು, ಈ ಜಾತ್ರೆಗೆ ಖುಷಿಯಿಂದ ಬಂದಿದ್ದೆ, ಆದರೆ ಈಗ ಎಲ್ಲ ಜನರಿಂದ ತೊಂದರೆ ಅನುಭವಿಸಿ ಮಹೇಶ್ವರಕ್ಕೆ ಹೋಗುತ್ತಿದ್ದೇನೆ. ನನ್ನ ಪೋಷಕರು ನನ್ನನ್ನು ವಾಪಸ್ ಕಳುಹಿಸುತ್ತಿದ್ದಾರೆ” ಎಂದು ತಿಳಿಸಿದ್ದಾರೆ.
ಸಹೋದರನ ಮೇಲೆ ದಾಳಿ
ಕೆಲವು ಜನರು ಬಲವಂತವಾಗಿ ಅವರ ಸ್ಥಳಕ್ಕೆ ಬಂದು ಫೋಟೋಗಳನ್ನು ತೆಗೆದುಕೊಂಡರು ಎಂದು ಮೊನಾಲಿಸಾ ಹೇಳಿದರು. ನಿಮ್ಮ ತಂದೆ ನನ್ನನ್ನು ಇಲ್ಲಿಗೆ ಕಳುಹಿಸಿದ್ದಾರೆ ಎಂದು ಹೇಳಿದರು, ನಾನು ನಿರಾಕರಿಸಿದಾಗ ಅವರು ಬಲವಂತವಾಗಿ ಒಳಗೆ ಪ್ರವೇಶಿಸಿದರು, ನನಗೆ ಭಯವಾಯಿತು. ಕತ್ತಲಾಗಿದೆ, ಇಲ್ಲಿ ಯಾರೂ ಇಲ್ಲ ಮತ್ತು ಯಾರಾದರೂ ಏನಾದರೂ ಮಾಡುತ್ತಾರೆ ಎಂದು ನಾನು ಹೆದರುತ್ತೇನೆ. ಸಿಟ್ಟಿನಿಂದ ಅಣ್ಣ ಮೊಬೈಲ್ ತೆಗೆದುಕೊಳ್ಳಲು ಹೋದಾಗ 9 ಜನ ಸೇರಿ ಅಣ್ಣನಿಗೆ ಥಳಿಸಿದ್ದಾರೆ ಎಂದು ಅಳಲು ತೋಡಿಕೊಂಡಿದ್ದಾಳೆ.
