ಕನ್ನಡದ ಮೂಲಕ ನಟನೆ ಆರಂಭಿಸಿ ಸದ್ಯ, ಸೌತ್ ಇಂಡಿಯಾದ ಸ್ಟಾರ್ ನಟಿ ಎನಿಸಿಕೊಂಡಿರುವ ಕೊಡಗಿನ ಬೆಡಗಿ ರಶ್ಮಿಕಾ ಮಂದಣ್ಣ ಇದೀಗ ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಈ ನಡುವೆ ರಶ್ಮಿಕಾ ಗೊಲ್ಡನ್ ಬಣ್ಣದ ಸಾರಿ ಧರಿಸಿ ತಮ್ಮ ಅಸಿಸ್ಟೆಂಟ್ ಮದುವೆಗೆ ತೆರಳಿದ್ದು, ಈ ಸಾರಿಯ ಬೆಲೆಯ ಬಗ್ಗೆ ಸಾಕಷ್ಟು ಚರ್ಚೆಯಾಗುತ್ತಿದೆ. ಅಷ್ಟಕ್ಕೂ ಈ ಸಾರಿಯ ಬೆಲೆ ಎಷ್ಟು ಗೊತ್ತಾ?
ತಮ್ಮ ಸಹಾಯಕರಾಗಿರುವ ಸಾಯಿ ಅವರ ಮದುವೆಗೆ ನಟಿ ರಶ್ಮಿಕಾ ಮಂದಣ್ಣ ಆಗಮಿಸಿ ವಧು ವರರನ್ನು ಆಶೀರ್ವದಿಸಿದ್ದರು. ತಮ್ಮ ಬ್ಯಸಿ ಶೆಡ್ಯೂಲ್ ನಲ್ಲೂ ತಮ್ಮ ಅಸಿಸ್ಟೆಂಟ್ ವಿವಾಹಕ್ಕೆ ಆಗಮಿಸಿದ್ದ ರಶ್ಮಿಕಾ, ಬಂಗಾರದ ಬಣ್ಣದ ಸಿಂಪಲ್ ಸಾರಿಯಲ್ಲಿ ಮಿರಮಿರ ಮಿಂಚಿದ್ದರು. ಆದರೆ ಇದೀಗ ಈ ಸಾರಿಯ ಬಗ್ಗೆ ಬಾರೀ ಚರ್ಚೆಯಾಗುತ್ತಿದೆ. ರಶ್ಮಿಕಾ ಧರಿಸಿದ್ದ ಸಾರಿಯ ಬೆಲೆ ಬರೋಬ್ಬರಿ 35 ಸಾವಿರ ಎನ್ನಲಾಗುತ್ತಿದೆ. ಸಾರಿಯ ಬೆಲೆ ಕೇಳಿ ಅಭಿಮಾನಿಗಳು ದಂಗಾಗಿದ್ದಾರೆ.
ಕನ್ನಡ ಸೇರಿದಂತೆ ಹಲವು ಭಾಷೆಗಳಲ್ಲಿ ಬಾರೀ ಬೇಡಿಕೆ ಸೃಷ್ಟಿಸಿಕೊಂಡಿರುವ ರಶ್ಮಿಕಾ ಮಂದಣ್ಣ ಸದ್ಯ, ಸಾಲು ಸಾಲು ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ ರಣ್‌ಬೀರ್ ಹಾಗೂ ರಶ್ಮಿಕಾ ನಟನೆಯ ‘ಅನಿಮಲ್’ ಹಿಂದಿ ಸಿನಿಮಾ ಬಿಡುಗಡೆಗೆ ಸಜ್ಜಾಗಿದೆ. ಇದರೊಂದಿಗೆ ಪುಷ್ಪಾ-2 ಚಿತ್ರೀಕರಣ ನಡೆಯುತ್ತಿದೆ. ಹಾಗೆಯೇ ವಿಕ್ರಮ್,ಧನುಷ್, ಟೈಗರ್ ಶ್ರಾಪ್ ಅವರ ಮುಂದಿನ ಸಿನಿಮಾಗಳಿಗೆ ರಶ್ಮಿಕಾ ನಾಯಕಿಯಾಗಿ ನಟಿಸುತ್ತಿದ್ದಾರೆ.
