ಒಂದೆರಡು ವರ್ಷಗಳಿಂದ ಬಾಲಿವುಡ್ ನಲ್ಲಿ ಸದ್ದು ಮಾಡುತ್ತಿದ್ದ ಜೋಡಿಗಳಲ್ಲಿ ಒಂದು ಮಿಲ್ಕಿ ಬ್ಯೂಟಿ ತಮನ್ನಾ ಮತ್ತು ವಿಜಯ್ ವರ್ಮಾ ಜೋಡಿ. ಇವರಿಬ್ಬರು ಒಂದು ರೀತಿ ಅಪರೂಪದ ಜೋಡಿ ಎಂದೇ ಹೇಳಬಹುದು. ಈ ಇಬ್ಬರು ವ್ಯಕ್ತಿಗಳು ಡೇಟಿಂಗ್ ಮಾಡುತ್ತಿದ್ದಾರೆ, ಲವ್ ಮಾಡುತ್ತಿದ್ದಾರೆ ಎಂದು ನಂಬುವುದಕ್ಕೆ ಸ್ವಲ್ಪ ಕಷ್ಟ ಆಗಿದ್ದಂತೂ ಹೌದು. ಆದರೆ ಅಭಿಮಾನಿಗಳು ಇವರಿಬ್ಬರ ರಿಲೇಶನ್ಷಿಪ್ ಅನ್ನು ಒಪ್ಪಿಕೊಂಡರು. ಈ ಜೋಡಿಯನ್ನು ಸೆಲೆಬ್ರೇಟ್ ಮಾಡುವುದಕ್ಕೆ ಶುರು ಮಾಡಿದರು. ಆದರೆ ಇದೀಗ ಈ ಜೋಡಿ ದೂರವಾಗಿದ್ದಾರೆ, ಬ್ರೇಕಪ್ ಮಾಡಿಕೊಂಡಿದ್ದಾರೆ ಎಂದು ಮಾಹಿತಿ ಸಿಕ್ಕಿದೆ. ಈ ಬಗ್ಗೆ ಇಬ್ಬರೂ ಕೂಡ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ, ಆದರೆ ಸೋಷಿಯಲ್ ಮೀಡಿಯಾದಲ್ಲಿ ಈ ಜೋಡಿ ಬಗ್ಗೆ ಇಂಥದ್ದೊಂದು ಸುದ್ದಿಯಂತೂ ಕೇಳಿಬರುತ್ತಿದೆ. ಅಷ್ಟಕ್ಕೂ ಆಗಿರೋದೇನು? ಫುಲ್ ಡೀಟೇಲ್ಸ್ ಇಲ್ಲಿದೆ!
ನಟಿ ತಮನ್ನಾ ಅವರಿಗೆ ಇರುವ ಜನಪ್ರಿಯತೆ ಬಗ್ಗೆ ಹೊಸದಾಗಿ ಹೇಳಬೇಕಿಲ್ಲ. ಇವರು ಹುಟ್ಟಿ ಬೆಳೆದಿದ್ದು ಮುಂಬೈ ಮಹಾನಗರದಲ್ಲೇ ಆದರೂ ತಮನ್ನಾ ಅವರಿಗೆ ಹೆಸರು ತಂದುಕೊಟ್ಟಿದ್ದು ದಕ್ಷಿಣ ಭಾರತ ಚಿತ್ರರಂಗ. ಇಲ್ಲಿನ ಸ್ಟಾರ್ ಹೀರೋಯಿನ್ ಆಗಿ ಮೆರೆದ ತಮನ್ನಾ ಅವರು, ತಮಿಳು ಮತ್ತು ತೆಲುಗು ಭಾಷೆಯ ಎಲ್ಲಾ ಸ್ಟಾರ್ ಹೀರೋಗಳ ಕೋಟೆಗೆ ನಟಿಸಿ, ಸ್ಟಾರ್ ಹೀರೋಯಿನ್ ಅನ್ನಿಸಿಕೊಂಡರು. ಇವರ ಬ್ಯೂಟಿ ಮತ್ತು ಗ್ರೇಸ್ ಬಗ್ಗೆ ಹೇಳೋ ಹಾಗೆ ಇಲ್ಲ, ಅಷ್ಟು ಬೆಳ್ಳಗೆ, ತೆಳ್ಳಗೆ ಇರುವ ಕಾರಣಕ್ಕೆ ಇವರನ್ನು ಎಲ್ಲರೂ ಮಿಲ್ಕಿ ಬ್ಯೂಟಿ ಎಂದೇ ಕರೆಯುತ್ತಾರೆ. ನೋಡೋದಕ್ಕೆ ನಿಜಕ್ಕೂ ಅದೇ ರೀತಿ ಇದ್ದಾರೆ ಎಂದು ಹೇಳಿದರೂ ತಪ್ಪಲ್ಲ. ಬಾಹುಬಲಿ ಸಿನಿಮಾ ಇಂದ ಇವರು ಪ್ಯಾನ್ ಇಂಡಿಯಾದಲ್ಲಿ ಗುರುತಿಸಿಕೊಂಡರು. ಸ್ಟಾರ್ ಹೀರೋಯಿನ್ ತಮನ್ನಾ ಬಾಲಿವುಡ್ ಗೆ ಕೂಡ ಎಂಟ್ರಿ ಕೊಟ್ಟರು..
ಬಾಲಿವುಡ್ ನಲ್ಲಿ ಕೂಡ ಒಂದರ ನಂತರ ಒಂದು ಸೂಪರ್ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ, ಸ್ಪೆಷಲ್ ಸಾಂಗ್ ಗಳಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ, ಇತ್ತೀಚೆಗೆ ಇವರು ಜೈಲರ್ ಸಿನಿಮಾ ಹಾಡಿನಲ್ಲಿ ನಟಿಸಿದ್ದು, ಆ ಹಾಡು ದೊಡ್ಡದಾಗಿ ಸದ್ದು ಮಾಡಿತು. ಹೀಗೆ ತಮನ್ನಾ ಅವರು ಒಂದೊಂದು ಸಿನಿಮಾ ಇಂದಲೂ ಹೆಸರು ಮಾಡುತ್ತಲೇ ಬಂದಿದ್ದಾರೆ. ಇತ್ತೀಚಿನ ವರ್ಷಗಳಲ್ಲಿ ಇವರು ಬಾಲಿವುಡ್ ನಟ ವಿಜಯ್ ವರ್ಮಾ ಅವರ ಜೊತೆಗೆ ಡೇಟಿಂಗ್ ಮಾಡುತ್ತಿರುವ ವಿಚಾರಕ್ಕೆ ಹೆಚ್ಚು ಸುದ್ದಿಯಾಗಿದ್ದರು. 2 ವರ್ಷಗಳ ಹಿಂದೆ ಈ ಜೋಡಿ ಆಗಾಗ ಒಟ್ಟಿಗೆ ಕಾಣಿಸಿಕೊಂಡಿದ್ದರು, ಇಬ್ಬರೂ ಡೇಟಿಂಗ್ ಮಾಡುತ್ತಿರಬಹುದು ಎಂದು ಸುದ್ದಿಗಳು ಗುಲ್ಲಾಗಿದ್ದವು. ಇಬ್ಬರು ಒಟ್ಟಿಗೆ ಹೊಸ ವರ್ಷದ ಆಚರಣೆ ಮಾಡಿದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿತ್ತು.
ವಿಜಯ್ ವರ್ಮಾ ಅವರು ತಮನ್ನಾ ಅವರಿಗೆ ಮುತ್ತು ಕೊಡುತ್ತಿರುವ ವಿಡಿಯೋ ಸಹ ವೈರಲ್ ಆಗಿತ್ತು. ಬಳಿಕ ಇಬ್ಬರೂ ಕೂಡ ತಾವು ರಿಲೇಶನ್ಷಿಪ್ ನಲ್ಲಿ ಇರುವುದಾಗಿ ಒಪ್ಪಿಕೊಂಡಿದ್ದರು. ಆಗಿನಿಂದ ಈ ಜೋಡಿ ಎಲ್ಲೇ ಹೋದರೂ, ಎಲ್ಲೇ ಬಂದರೂ ಸುದ್ದಿ ಆಗುತ್ತಿತ್ತು. ಬಹುತೇಕ ಎಲ್ಲಾ ಕಾರ್ಯಕ್ರಮಗಳಲ್ಲಿ ಇಬ್ಬರೂ ಕೂಡ ಜೊತೆಯಾಗಿ ಕಾಣಿಸಿಕೊಳ್ಳುತ್ತಿದ್ದರು. ವಿಜಯ್ ವರ್ಮಾ ತಮನ್ನಾ ಅವರನ್ನು ಬಹಳ ಪ್ರೀತಿಯಿಂದ ಕಾಳಜಿ ಇಂದ ನೋಡಿಕೊಳ್ಳುತ್ತಾರೆ ಎನ್ನುವುದು ಎಲ್ಲರಿಗೂ ಗೊತ್ತಾಗುತ್ತಿತ್ತು. ಜೋಡಿಯಾಗಿ ಇಬ್ಬರು ಕಾಣಿಸಿಕೊಂಡಾಗ, ತಮನ್ನಾ ಅವರ ಪರ್ಸ್ ಅನ್ನು ವಿಜಯ್ ವರ್ಮಾ ಹಿಡಿದು ಬರುತ್ತಿದ್ದರು, ಫೋಟೋಗಳಲ್ಲಿ ಪೋಸ್ ಕೊಡೋದಕ್ಕೆ ತಮನ್ನಾ ಅವರಿಗೆ ಸ್ಪೇಸ್ ಕೊಡುತ್ತಿದ್ದರು. ಇದೆಲ್ಲವನ್ನು ನೋಡಿ ತಮನ್ನಾ ಅವರಿಗೆ ವಿಜಯ್ ವರ್ಮಾ ಅವರು ಸರಿಯಾದ ಜೋಡಿ, ಬಹಳ ಕ್ಯೂಟ್ ಜೋಡಿ ಎಂದಿದ್ದರು ನೆಟ್ಟಿಗರು.
ಅಷ್ಟೇ ಅಲ್ಲದೇ ತಮ್ಮಿಬ್ಬರ ಪ್ರೀತಿಯ ಬಗ್ಗೆ ತಮನ್ನಾ ಅವರು ಕೂಡ ಮಾಧ್ಯಮದವರ ಎದುರು ಮಾತನಾಡಿ ತಾವಿಬ್ಬರು ಶೀಘ್ರದಲ್ಲೇ ಮದುವೆ ಆಗುತ್ತೇವೆ ಎಂದಿದ್ದರು ತಮನ್ನಾ. ಇನ್ನು ತಮನ್ನಾ ಅವರ ತಂದೆ ತಾಯಿಗೆ ವಿಜಯ್ ವರ್ಮಾ ತುಂಬಾ ಇಷ್ಟವಾಗಿದ್ದಾರೆ ಎನ್ನುವ ಮಾತುಗಳು ಕೂಡ ಕೇಳಿಬಂದಿತ್ತು, ಶೀಘ್ರದಲ್ಲೇ ಈ ಜೋಡಿ ಮದುವೆ ಆಗಬಹುದು ಎನ್ನುವ ಸುದ್ದಿಗಳು ಕೇಳಿಬರುತ್ತಿದ್ದ ಬೆನ್ನಲ್ಲೇ ಇದೀಗ ಇವರಿಬ್ಬರು ದೂರ ಆಗಿದ್ದಾರೆ ಎನ್ನುವ ಸುದ್ದಿಯೊಂದು ವೈರಲ್ ಆಗಿದೆ. ಹೌದು, ತಮನ್ನಾ ಹಾಗೂ ವಿಜಯ್ ವರ್ಮಾ ಬ್ರೇಕಪ್ ಮಾಡಿಕೊಂಡಿದ್ದಾರೆ, ಇಬ್ಬರು ಇನ್ನುಮುಂದೆ ಜೊತೆಯಾಗಿ ಇರುವುದಿಲ್ಲ ಎನ್ನುವ ಸುದ್ದಿಯೊಂದು ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದ್ದು, ಈ ಬಗ್ಗೆ ಇಬ್ಬರ ಕಡೆಯಿಂದ ಯಾವುದೇ ಸ್ಪಷ್ಟನೆ ಅಂತೂ ಸಿಕ್ಕಿಲ್ಲ. ಇಬ್ಬರ ಸೋಷಿಯಲ್ ಮೀಡಿಯಾ ಖಾತೆ ಇದಕ್ಕೆ ಸಾಕ್ಷಿ ಆಗಿದೆ.
ಕಳೆದ ತಿಂಗಳು ಸಿನಿಮಾ ವೊಂದರ ಪ್ರೀಮಿಯರ್ ಶೋನಲ್ಲಿ ಈ ಜೋಡಿ ಜೊತೆಯಾಗಿ ಕಾಣಿಸಿಕೊಂಡಿದ್ದರು. ಅದಾದ ಬಳಿಕ ಇವರಿಬ್ಬರು ಎಲ್ಲಿಯೂ ಜೊತೆಯಾಗಿ ಕಾಣಿಸಿಕೊಂಡಿಲ್ಲ. ಹಾಗೆಯೇ ಇಬ್ಬರು ಜೊತೆಯಾಗಿ ಇರುವ ಫೋಟೋಗಳನ್ನು ಸೋಷಿಯಲ್ ಮೀಡಿಯಾ ಖಾತೆಗಳಿಂದ ಡಿಲೀಟ್ ಮಾಡಿದ್ದಾರೆ, ಈ ಕಾರಣಕ್ಕೆ ಇವರಿಬ್ಬರು ಬ್ರೇಕಪ್ ಮಾಡಿಕೊಂಡಿರಬಹುದು ಎನ್ನುವ ಸುದ್ದಿಯೊಂದು ಕೇಳಿಬರುತ್ತಿದೆ. ಆದರೆ ತಮನ್ನಾ ಅವರ ಖಾತೆಯಲ್ಲಿ ವಿಜಯ್ ವರ್ಮಾ ಜೊತೆಗಿರುವ ಕೆಲವು ವಿಡಿಯೋಗಳು ಇನ್ನು ಕೂಡ ಇದೆ. ಹಾಗಾಗಿ ಈ ವಿಷಯದ ಬಗ್ಗೆ ಸಂಪೂರ್ಣವಾಗಿ ಸ್ಪಷ್ಟನೆ ಸಿಕ್ಕಿಲ್ಲ. ಒಟ್ಟಿನಲ್ಲಿ ನೆಟ್ಟಿಗರ ವಲಯದಲ್ಲಿ ಈ ವಿಷಯ ಸಿಕ್ಕಾಪಟ್ಟೆ ಚರ್ಚೆ ಆಗುತ್ತಿದೆ. ಕೆಲವರು ವಿಜಯ್ ವರ್ಮಾ ತಮನ್ನಾ ಅವರಿಗೆ ತಕ್ಕ ಜೋಡಿ ಆಗಿರಲಿಲ್ಲ ಎಂದು ಕೂಡ ಹೇಳುತ್ತಿದ್ದಾರೆ.
ಇನ್ನು ವಿಜಯ್ ವರ್ಮಾ ಅವರ ಬಗ್ಗೆ ಹೇಳುವುದಾದರೆ, ವಿಜಯ್ ವರ್ಮಾ ಮೂಲತಃ ಹೈದರಾಬಾದ್ ನಲ್ಲಿ ಹುಟ್ಟಿ ಬೆಳೆದವರು. ಹಿಂದಿ ಸಿನಿಮಾ ರಂಗದಲ್ಲಿ ಗುರುತಿಸಿಕೊಳ್ಳುವುದು ಮಾತ್ರವಲ್ಲ, ಸೌತ್ ನಲ್ಲಿ ಕೂಡ ಕೆಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ತೆಲುಗಿನಲ್ಲಿ ಹೆಚ್ಚು ಸಿನಿಮಾಗಳು, ಇನ್ನು ಇವರು ಹೆಚ್ಚಾಗಿ ನಟಿಸುವುದು ನೆಗಟಿವ್ ಶೇಡ್ ಇರುವ ಪಾತ್ರಗಳಲ್ಲಿ. ಇವರ ಆಕ್ಟಿಂಗ್ ಟ್ಯಾಲೆಂಟ್ ಬಗ್ಗೆ ಎಲ್ಲರಿಗೂ ಗೊತ್ತೇ ಇದೆ. ಬಾಲಿವುಡ್ ನಲ್ಲಿ ಅಂಡರ್ ರೇಟೆಡ್ ಆಕ್ಟರ್ ಎಂದು ಕೂಡ ಇವರನ್ನು ಕರೆಯುತ್ತಾರೆ. ಒಳ್ಳೆಯ ವ್ಯಕ್ತಿ ಸಹ ಹೌದು. ಅಭಿಮಾನಿಗಳಿಗೆ ವಿಜಯ್ ವರ್ಮಾ ಮತ್ತು ತಮನ್ನಾ ಜೋಡಿ ತುಂಬಾ ಇಷ್ಟವಾಗಿತ್ತು, ಆದರೆ ಇವರಿಬ್ಬರು ನಿಜಕ್ಕೂ ದೂರವಾಗಿದ್ದಾರಾ? ಅಥವಾ ಇದೆಲ್ಲವೂ ಊಹಾಪೋಹಗಳು ಅಷ್ಟೇನಾ? ಎಂದು ತಿಳಿಯುವುದಕ್ಕೆ ಇಬ್ಬರು ಅಧಿಕೃತವಾಗಿ ಮಾಹಿತಿ ನೀಡುವವರೆಗೂ ಕಾದು ನೋಡಬೇಕಿದೆ.
