ಸ್ಕ್ಯ್ರಾಪ್ ಮಾರಾಟ ಮಾಡಿ ರೈಲ್ವೆ ಇಲಾಖೆ ಗಳಿಸಿದ ಹಣವೆಷ್ಟು ?

ರೈಲ್ವೆ ಇಲಾಖೆ 2021-22ನೇ ಸಾಲಿನಲ್ಲಿ ಸ್ಕ್ಯ್ರಾಪ್ ಮಾರಾಟ ಮಾಡಿ ಬರೊಬ್ಬರಿ 2,582 ಕೋಟಿ ಆದಾಯ ಗಳಿಸಿದೆ .ಗುಜರಿ ವಸ್ತುಗಳನ್ನು ಇ-ಹರಾಜಿನಲ್ಲಿ ಮಾರಾಟ ಮಾಡುವ ಮೂಲಕ ಪಾರದರ್ಶಕವಾಗಿ ವಹಿವಾಟು ಮಾಡಿ ಕಳೆದ ವರ್ಷಕ್ಕಿಂತ ಶೇ.೨೮ ರಷ್ಟು ಹೆಚ್ಚು ಆದಾಯ ಗಳಿಸಿದೆ. ಕಳೆದ ವರ್ಷ 2003 ಕೋಟಿ ರೂ. ಸಂಗ್ರಹವಾಗಿತ್ತು. 2022-23ನೇ ಸಾಲಿಗೆ ಗುಜರಿ ವಸ್ತುಗಳ ಮಾರಾಟದಿಂದ 4,400 ಕೋಟಿ ರೂ. ಸಂಗ್ರಹಿಸುವ ಗುರಿಯನ್ನು ರೈಲ್ವೆ ಇಲಾಖೆ ಹೊಂದಿದೆ.

ಕಳೆದ ವರ್ಷ 3,60,732 ಮೆಟ್ರಿಕ್ ಟನ್‌ ಮಾರಾಟ ಮಾಡಲಾಗಿತ್ತು. ಈ ವರ್ಷ ಮೊದಲ 6 ತಿಂಗಳಲ್ಲಿ 3,93,421 ಮೆಟ್ರಿಕ್ ಟನ್ ಗುಜರಿಯನ್ನು ವಿಲೇವಾರಿ ಮಾಡಲಾಗಿದೆ. 1751 ವ್ಯಾಗನ್‌ಗಳು, 1421 ಕೋಚ್‌ಗಳು ಮತ್ತು 97 ಎಂಜಿನ್‌ಗಳನ್ನು ವಿಲೇವಾರಿ ಮಾಡಲಾಗಿದೆ.