ಬಾಲಿವುಡ್ ಅನ್ನು ಹಿಂದಿಕ್ಕುವ ಮೂಲಕ ದಕ್ಷಿಣ ಚಿತ್ರರಂಗ ಮತ್ತೊಮ್ಮೆ ವರ್ಷಕ್ಕೆ ಉತ್ತಮ ಆರಂಭವನ್ನು ನೀಡಿದೆ. ದಕ್ಷಿಣ ಭಾರತದ ಸೂಪರ್‌ಸ್ಟಾರ್ ಅಜಿತ್ ಕುಮಾರ್ ಅಭಿನಯದ ʼವಿದಮುಯಾರ್ಚಿ’ ಚಿತ್ರ 4 ದಿನಗಳಲ್ಲಿ 60 ಕೋಟಿ ಗಳಿಸಿದೆ. ಮತ್ತೊಂದೆಡೆ, ಏಕಕಾಲದಲ್ಲಿ ಬಿಡುಗಡೆಯಾದ ಎರಡು ದೊಡ್ಡ ಬಾಲಿವುಡ್ ಚಿತ್ರಗಳು ಬಾಕ್ಸ್ ಆಫೀಸ್‌ನಲ್ಲಿ ಸೋತಿವೆ.
ಹೌದು, ಕಳೆದ ಕೆಲವು ವರ್ಷಗಳಿಂದ ಬಾಲಿವುಡ್ ದಕ್ಷಿಣ ಸಿನಿಮಾಗಳಿಗಿಂತ ಹಿಂದುಳಿದಿರುವಂತೆ ಕಾಣುತ್ತಿದೆ. ಬಾಕ್ಸ್ ಆಫೀಸ್ ಕಲೆಕ್ಷನ್ ನಿಂದ ಹಿಡಿದು ಕಥೆಗಳ ಮಟ್ಟದವರೆಗೆ ದಕ್ಷಿಣ ಸಿನಿಮಾಗಳು ಬಾಲಿವುಡ್‌ಗಿಂತ ಮೇಲುಗೈ ಸಾಧಿಸುತ್ತಿವೆ. ಕಳೆದ ವರ್ಷವೂ ಸಹ, ಅತಿ ಹೆಚ್ಚು ಗಳಿಕೆ ಮಾಡಿದ ಟಾಪ್ 5 ಚಿತ್ರಗಳಲ್ಲಿ 3 ದಕ್ಷಿಣದ ಚಿತ್ರಗಳಾಗಿವೆ. ಈಗ, ಈ ವರ್ಷದ ಆರಂಭದಲ್ಲಿಯೂ ಸಹ, ದಕ್ಷಿಣ ಚಿತ್ರರಂಗ ಬಾಲಿವುಡ್‌ಗಿಂತ ಮುಂದಿರುವಂತೆ ತೋರುತ್ತಿದೆ. ಕಳೆದ ಶುಕ್ರವಾರ, 2 ದೊಡ್ಡ ಬಾಲಿವುಡ್ ಚಿತ್ರಗಳು ಬಿಡುಗಡೆಯಾದವು ಮತ್ತು 1 ದಕ್ಷಿಣ ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆಯಾಯಿತು. ಆದರೆ ದಕ್ಷಿಣ ಚಿತ್ರವು ಕೇವಲ 4 ದಿನಗಳಲ್ಲಿ 60 ಕೋಟಿ ರೂ.ಗಳನ್ನು ಸಂಗ್ರಹಿಸುವ ಮೂಲಕ ಎರಡೂ ಬಾಲಿವುಡ್ ಚಿತ್ರಗಳಿಗೆ ಒಳ್ಳೆಯ ಪೈಪೋಟಿ ನೀಡಿದೆ. ಈ ಚಿತ್ರದ ಹೆಸರು ʼವಿದಮುಯಾರ್ಚಿ’.
ಆರಂಭದಲ್ಲಿಯೇ ಹಿಮೇಶ್ ರೆಶಮಿಯಾ ಅಭಿನಯದ “ಬದಾಸ್ ರವಿಕುಮಾರ್” ಚಿತ್ರದ ಗಳಿಕೆ ಕೇವಲ 4 ಕೋಟಿಗೆ ಸೀಮಿತವಾಗಿತ್ತು. ಇಬ್ಬರು ದೊಡ್ಡ ತಾರಾ ಮಕ್ಕಳಾದ ಜುನೈದ್ ಖಾನ್ ಮತ್ತು ಖುಷಿ ಕಪೂರ್ ಅಭಿನಯದ “ಲವ್‌ಯಾಪ” ಚಿತ್ರ 3 ದಿನಗಳಲ್ಲಿ ಕೇವಲ 2.75 ಕೋಟಿ ಗಳಿಸುವಲ್ಲಿ ತೃಪ್ತಿಪಟ್ಟುಕೊಂಡಿದೆ.
ಬಾಕ್ಸ್ ಆಫೀಸ್ ಕಲೆಕ್ಷನ್
ಅಂದಾಜಿನ ಪ್ರಕಾರ, ʼವಿದಮುಯಾರ್ಚಿ’ ಭಾನುವಾರ ಭಾರತದಲ್ಲಿ ₹10.6 ಕೋಟಿ ಗಳಿಸಿದ್ದು, ಒಟ್ಟಾರೆ ₹60.35 ಕೋಟಿ ಗಳಿಸಿದೆ ಎಂದು ವರದಿಯಾಗಿದೆ. ಈ ಚಿತ್ರವು ತನ್ನ ಮೊದಲ ದಿನದಂದು ಭಾರತದಲ್ಲಿ ₹26 ಕೋಟಿ ನಿವ್ವಳ ಗಳಿಸಿತು, ಆದರೆ ಶುಕ್ರವಾರ 60.58% ಕುಸಿತದ ನಂತರ ₹10.25 ಕೋಟಿ ಗಳಿಸಿತು. ಶನಿವಾರ ಶೇ. 31.71 ರಷ್ಟು ಬೆಳವಣಿಗೆ ಕಂಡು, ಭಾರತದಲ್ಲಿ ₹13.5 ಕೋಟಿ ಗಳಿಸಿದೆ.
ʼವಿದಮುಯಾರ್ಚಿ’ ಮೂರು ದಿನಗಳಲ್ಲಿ ವಿಶ್ವಾದ್ಯಂತ ₹92 ಕೋಟಿ ಗಳಿಸಿದರೆ, ವಿದೇಶಗಳಿಂದ ₹32.30 ಕೋಟಿ ಗಳಿಸಿತು. ಅಜೆರ್ಬೈಜಾನ್‌ನಲ್ಲಿ ಕುಖ್ಯಾತ ಗುಂಪೊಂದು ತನ್ನ ಹೆಂಡತಿಯನ್ನು ಅಪಹರಿಸಿದ ನಂತರ ರಕ್ಷಣಾ ಕಾರ್ಯಾಚರಣೆಗೆ ಹೋಗುವ ವ್ಯಕ್ತಿಯ ಕಥೆಯನ್ನು ʼವಿದಮುಯಾರ್ಚಿ’ ಹೇಳುತ್ತದೆ. ಚಿತ್ರದ ಚಿತ್ರೀಕರಣ 2023 ರಲ್ಲಿ ಪ್ರಾರಂಭವಾಯಿತು ಮತ್ತು ಅಜಿತ್ ತಮ್ಮ ರೇಸಿಂಗ್ ವೃತ್ತಿಜೀವನವನ್ನು ಮುಂದುವರಿಸುವ ಮೊದಲು 2024 ರ ಹೊತ್ತಿಗೆ ಪೂರ್ಣಗೊಂಡಿತು. ಆರಂಭದಲ್ಲಿ ಪೊಂಗಲ್ ಸಮಯದಲ್ಲಿ ಬಿಡುಗಡೆಯಾಗಬೇಕಿತ್ತು. ಆದರೆ ನಂತರ ಚಿತ್ರದ ಬಿಡುಗಡೆಯನ್ನು ಮುಂದೂಡಲಾಯಿತು. ಇದು ವಿಮರ್ಶಕರು ಮತ್ತು ಅಭಿಮಾನಿಗಳಿಂದ ಮಿಶ್ರ ವಿಮರ್ಶೆಗಳನ್ನು ಪಡೆದುಕೊಂಡಿದೆ.
ಎರಡೂ ಬಾಲಿವುಡ್ ಚಿತ್ರಗಳೂ ಫ್ಲಾಪ್‌
ಕಳೆದ ಶುಕ್ರವಾರ, ಏಕಕಾಲದಲ್ಲಿ ಬಿಡುಗಡೆಯಾದ ಎರಡು ಬಾಲಿವುಡ್ ಚಿತ್ರಗಳಾದ “ಲವ್‌ಯಾಪ” ಮತ್ತು ಬದಾಸ್ ರವಿಕುಮಾರ್ ನಡುವೆ ಘರ್ಷಣೆ ನಡೆದಿತ್ತು. ಆದರೆ, ಹಿಮೇಶ್ ರೇಶಮಿಯಾ ಸ್ಟಾರ್ ಮಕ್ಕಳಾದ ಜುನೈದ್ ಖಾನ್ ಮತ್ತು ಖುಷಿ ಕಪೂರ್ ನಟಿಸಿದ ಚಿತ್ರಕ್ಕೆ ಸ್ಪರ್ಧೆ ನೀಡಿದ್ದರು. ಸೆಕ್ಯಾನಿಲ್ಕ್ ಪ್ರಕಾರ, ಲವಯಾಪ ಚಿತ್ರವು ತನ್ನ ಮೊದಲ ದಿನ ₹ 1.15 ಕೋಟಿ ಗಳಿಕೆ ಕಂಡಿತು. ಎರಡನೇ ದಿನ 1.65 ಕೋಟಿ ರೂ. ಗಳಿಸಿತು. ಈಗ ಮೂರು ದಿನಗಳಲ್ಲಿ ಚಿತ್ರವು ಒಟ್ಟು 3.58 ಕೋಟಿ ರೂ.ಗಳನ್ನು ಮಾತ್ರ ಸಂಗ್ರಹಿಸಲು ಸಾಧ್ಯವಾಗಿದೆ. ಹಿಮೇಶ್ ರೇಶಮಿಯಾ ಅಭಿನಯದ ಬದಾಸ್ ರವಿಕುಮಾರ್ ಚಿತ್ರ ಮೊದಲ ದಿನ 2.75 ಕೋಟಿ ರೂ., ಎರಡನೇ ದಿನ 2 ಕೋಟಿ ರೂ, ಮೂರನೇ ದಿನ 61 ಲಕ್ಷ ರೂ. ಗಳಿಸುವ ಮೂಲಕ ಒಟ್ಟು 6.36 ಕೋಟಿ ರೂ. ಕಲೆಕ್ಷನ್ ಮಾಡಿದೆ.
