ಬ್ರೆಜಿಲ್ನಲ್ಲಿ ಫಿಟ್ನೆಸ್, ಫ್ಯಾಷನ್ನಿಂದ ಸಾಕಷ್ಟು ಖ್ಯಾತಿ ಗಳಿಸಿದ್ದ ಮಾಡೆಲ್ ಲಾರಿಸ್ಸಾ ಬೋರ್ಗೆಸ್ ಅವರಿಗೆ 2 ಬಾರಿ ಕಾರ್ಡಿಯಾಕ್ ಅರೆಸ್ಟ್ ಆಗಿ ಮೃತಪಟ್ಟಿದ್ದಾರೆ. ಈ ವಿಚಾರವನ್ನ ಆಕೆಯ ಕುಟುಂಬಸ್ಥರೇ ಇನ್ಸ್ಟಾದಲ್ಲಿ ಪೋಸ್ಟ್ ಹಾಕಿ ಸಂತಾಪ ಸೂಚಿಸಿದ್ದಾರೆ. ಇನ್ನೂ ಯಂಗ್ ಆಗಿದ್ದ ಲಾರಿಸ್ಸಾ ಬಹು ಬೇಗನೇ ನಿಧನ ಹೊಂದಿರುವುದು ನಮಗೆ ಸಾಕಷ್ಟು ನೋವು ತಂದಿದ್ದು ನಮ್ಮ ಹೃದಯ ಛಿದ್ರವಾದಂತೆ ಆಗಿದೆ ಎಂದು ಕುಟುಂಬಸ್ಥರು ನೋವು ತೋಡಿಕೊಂಡಿದ್ದಾರೆ.
https://www.instagram.com/reel/CTVPHAwgzyB/?utm_source=ig_web_copy_link&igshid=MzRlODBiNWFlZA==
ಗ್ರಾಮಡೋ ಎನ್ನುವ ಪ್ರದೆಶದಲ್ಲಿ ಲಾರಿಸ್ಸಾ ಬೋರ್ಗೆಸ್ ಪ್ರಯಾಣಿಸುತ್ತಿದ್ದಾಗ ಸಡನ್ ಆಗಿ ಕಾರ್ಡಿಯಾಕ್ ಅರೆಸ್ಟ್ ಆಗಿ ಕೋಮಾಗೆ ಹೋಗಿದ್ದರು. ಇದರಿಂದ ಆಗಸ್ಟ್ 20 ರಿಂದ ಆಸ್ಪತ್ರೆ ಒಂದರಲ್ಲಿ ಚಿಕಿತ್ಸೆ ಅವರು ಪಡೆಯುತ್ತಿದ್ದರು. ಒಮ್ಮೆ ಕಾರ್ಡಿಕ್ ಅರೆಸ್ಟ್ ಆದ ಬೆನ್ನಲ್ಲೇ ಮತ್ತೊಮ್ಮೆ ಕಾರ್ಡಿಕ್ ಅರೆಸ್ಟ್ ಆಗಿದೆ. ಹೀಗಾಗಿ ಲಾರಿಸ್ಸಾ ಬೋರ್ಗೆಸ್ ಸಾವನ್ನಪ್ಪಿದ್ದಾರೆ ಎನ್ನಲಾಗಿದೆ.
ಲಾರಿಸ್ಸಾ ಬೋರ್ಗೆಸ್ ಅವರು ಇನ್ಸ್ಟಾ ಸೇರಿದಂತೆ ಸೋಷಿಯಲ್ ಮೀಡಿಯಾದಲ್ಲಿ ಜನರಿಗೆ ಫಿಟ್ನೆಸ್, ಫ್ಯಾಷನ್ ಬಗ್ಗೆ ಮಾಹಿತಿಗಳನ್ನು ನೀಡುತ್ತಿದ್ದರು. ಹೀಗಾಗಿ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ಖ್ಯಾತಿ ಗಳಿಸಿದ್ದರು. ಇವರಿಗೆ ಇನ್ಸ್ಟಾದಲ್ಲಿ 30 ಸಾವಿರಕ್ಕೂ ಹೆಚ್ಚು ಜನ ಫಾಲೋ ಮಾಡುತ್ತಿದ್ದರು. ಸಾವಿಗೂ ಮುಂಚೆ ಅವರು ಹಂಚಿಕೊಂಡ ವರ್ಕೌಟ್ ವಿಡಿಯೋ ಸದ್ಯ ವೈರಲ್ ಆಗುತ್ತಿದೆ.
