ಜನಮೆಚ್ಚಿದ ಕನ್ನಡದ ಈ ಖ್ಯಾತ ಧಾರಾವಾಹಿ ಕೆಲವೇ ದಿನದಲ್ಲಿ ಮುಕ್ತಾಯ ?

ಬೇರೆ ಎಲ್ಲ ಸೀರಿಯಲ್​ಗಳಿಗಿಂತಲೂ ‘ ಕನ್ನಡತಿ ಸೀರಿಯಲ್’ ಭಿನ್ನವಾಗಿ ಮೂಡಿಬರುತ್ತಿತ್ತು. ಇತ್ತೀಚಿನ ಎಪಿಸೋಡ್​ಗಳಲ್ಲಿ ಹಲವು ಟ್ವಿಸ್ಟ್​ಗಳನ್ನು ನೀಡಲಾಗಿದೆ. ವೀಕ್ಷಕರು ಇಷ್ಟಪಟ್ಟಿದ್ದ ಅಮ್ಮಮ್ಮನ ಪಾತ್ರ ಅಂತ್ಯವಾಯ್ತು. ಅದರಿಂದ ಕೆಲವರಿಗೆ ಬೇಸರ ಆಗಿದ್ದುಂಟು. ಅದಕ್ಕಿಂತಲೂ ಬೇಸರದ ವಿಚಾರ ಏನೆಂದರೆ, ‘ಕನ್ನಡತಿ’ ಧಾರಾವಾಹಿ ಶೀಘ್ರದಲ್ಲೇ ಅಂತ್ಯವಾಗಲಿದೆ. ಕನ್ನಡತಿ’ ಧಾರಾವಾಹಿ ಶೀಘ್ರದಲ್ಲೇ ಅಂತ್ಯವಾಗಲಿದೆ. ಇನ್ನೇನು ಕೆಲವೇ ದಿನಗಳು ಮಾತ್ರ ಈ ಸೀರಿಯಲ್​ ಪ್ರಸಾರ ಆಗಲಿದೆ. ನಂತರ ‘ಕಲರ್ಸ್​ ಕನ್ನಡ’  ವಾಹಿನಿಯಲ್ಲಿ ಹೊಸ ಧಾರಾವಾಹಿ ಬಿತ್ತರ ಆಗಲಿದೆ.

‘ಕನ್ನಡತಿ’ ಧಾರಾವಾಹಿ ಮುಕ್ತಾಯ ಆಗುತ್ತಿದೆ ಎಂಬುದನ್ನು ಮೂಲಗಳು ಖಚಿತ ಪಡಿಸಿವೆ. ಆರಂಭದಲ್ಲಿ ಅಂದುಕೊಂಡ ರೀತಿಯೇ ಕಥೆ ಈಗ ಮುಕ್ತಾಯ ಹಂತಕ್ಕೆ ಬಂದಿದೆ. ಆ ಕಾರಣದಿಂದ ಸೀರಿಯಲ್​ ಮುಗಿಸಲಾಗುತ್ತಿದೆ ಎಂಬುದು ಮೂಲಗಳ ಮಾಹಿತಿ. ಇನ್ನು ಕೆಲವೇ ದಿನಗಳು ಮಾತ್ರ ‘ಕನ್ನಡತಿ’ ಧಾರಾವಾಹಿಯ ಸಂಚಿಕೆಗಳು ಪ್ರಸಾರ ಆಗಲಿವೆ. 2023ರ ಜನವರಿ ವೇಳೆಗೆ ಈ ಸೀರಿಯಲ್​ ಅಂತ್ಯವಾಗುವುದು ಬಹುತೇಕ ಖಚಿತವಾಗಿದೆ.

ಇತ್ತ ಬಿಗ್​ ಬಾಸ್​ ಕೂಡ ಶೀಘ್ರದಲ್ಲೇ ಮುಗಿಯಲಿದೆ. ಆ ಸಮಯದಲ್ಲಿ ಪ್ರಸಾರವಾಗಲು ‘ತ್ರಿಪುರ ಸುಂದರಿ’ ಹಾಗೂ ‘ಪುಣ್ಯವತಿ’ ಎಂಬ ಎರಡು ಹೊಸ ಸೀರಿಯಲ್​ಗಳು ಸಜ್ಜಾಗಿವೆ. ‘ಕನ್ನಡತಿ’ ಬದಲಿಗೆ ಯಾವ ಧಾರಾವಾಹಿ ಬರಲಿದೆ ಎಂಬುದು ಇನ್ನಷ್ಟೇ ಗೊತ್ತಾಗಬೇಕಿದೆ. ರಂಜನಿ ರಾಘವನ್​ ಅವರು ‘ಕನ್ನಡತಿ’ ಸೀರಿಯಲ್​ನಲ್ಲಿ ಭುವಿ ಎಂಬ ಪಾತ್ರ ಮಾಡಿದ್ದಾರೆ. ನಟ ಕಿರಣ್​ ರಾಜ್​ ಅವರು ಹರ್ಷನಾಗಿ ಜನಮೆಚ್ಚುಗೆ ಪಡೆದುಕೊಂಡಿದ್ದಾರೆ.

ಇವರಿಬ್ಬರ ಜೋಡಿಗೆ ಪ್ರತ್ಯೇಕ ಅಭಿಮಾನಿವರ್ಗವಿದೆ. ಈ ಮೊದಲು ರಂಜನಿ ರಾಘವನ್​ ಅವರು ‘ಪುಟ್ಟಗೌರಿ ಮದುವೆ’ ಧಾರಾವಾಹಿಯಲ್ಲಿ ನಟಿಸುತ್ತಿದ್ದರು. ಆಗ ‘ಪುಟ್ಟಗೌರಿ ರಂಜನಿ’ ಎಂದೇ ಅವರು ಫೇಮಸ್​ ಆಗಿದ್ದರು. ಆದರೆ ಆ ಇಮೇಜ್​ ಅನ್ನು ಬದಲಿಸುವ ರೀತಿಯಲ್ಲಿ ‘ಕನ್ನಡತಿ’ ಸೀರಿಯಲ್​ ಮೂಡಿಬಂತು. ‘ಕನ್ನಡತಿ ಭುವಿ’ ಎಂದು ಅವರನ್ನು ಗುರುತಿಸುವ ಹಾಗೆ ಅವರ ಪಾತ್ರ ಜನಪ್ರಿಯತೆ ಪಡೆದುಕೊಂಡಿತು.