ಪ್ಲಶ್ ಮಾಡುವ ಶೌಚಾಲಯವೇ ಬೇಕು ಎನ್ನುವ ವಿಚಾರಕ್ಕೆ ನಾಲ್ವರು ಯುವತಿಯರು ಮನ ಬಂದಂತೆ ಹೊಡೆದಾಡಿಕೊಂಡ ಘಟನೆ ಅಮೆರಿಕದ ಪಿಟ್ಸ್‌ಬರ್ಗ್‌ ಬಳಿಯ ಮೋರ್ಗನ್ ವಾಲನ್ನಲ್ಲಿ ನಡೆದಿದೆ. ಸದ್ಯ ಈ ಯುವತಿಯರು ಹೊಡೆದಾಡಿಕೊಂಡಿರೋ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಒಟ್ಟು 1 ಕೋಟಿ 40 ಲಕ್ಷ ಜನ ವೀಕ್ಷಿಸಿದ್ದಾರೆ.
ಯುವತಿಯರು ಶೌಚಾಲಯಕ್ಕೆ ಹೋಗಲು ಕ್ಯೂನಲ್ಲಿ ನಿಂತಿರುತ್ತಾರೆ. ಈ ವೇಳೆ ಯುವತಿಯೊಬ್ಬರು ಅದೇ ಕ್ಯೂನಲ್ಲಿ ಮುಂದೆ ನಿಲ್ಲಲು ಮುಂದಾಗುತ್ತಾರೆ. ಈ ವೇಳೆ ಇನ್ನೊಬ್ಬ ಯುವತಿ ಇದನ್ನು ಪ್ರಶ್ನೆ ಮಾಡಿದ್ದಾಳೆ. ಇಬ್ಬರ ನಡುವಿನ ಮಾತಿನ ಚಕಮಕಿ ತಾರಕಕ್ಕೇರಿದ್ದು ಮೊದಲು ಒಬ್ಬರಿಗೊಬ್ಬರು ತಳ್ಳಾಡಿಕೊಂಡಿದ್ದಾರೆ. ಹಾಗೇ ತಳ್ಳುತ್ತಾ ಶೌಚಾಲಯದ ಒಳಗೆ ಹಾಕಿ ಯುವತಿಗೆ ಇನ್ನೊಬ್ಬ ಯುವತಿ ಪಂಚ್ ಮಾಡುತ್ತಿರುತ್ತಾಳೆ. ಆಗ ಬೇರೊಬ್ಬ ಯುವತಿ ಇದಕ್ಕೆ ಎಂಟ್ರಿ ಆಗಿ ಇಬ್ಬರು ಸೇರಿ ಹೊಡೆದಾಡಿಕೊಂಡಿದ್ದಾರೆ.
ಕೊನೆಗೆ ಮತ್ತೊಂದು ಯುವತಿ ಬಂದು ಆ ಇಬ್ಬರಿಗೆ ಮನ ಬಂದಂತೆ ಹೊಡೆದು, ಕೂದಲು ಹಿಡಿದು ಎಳೆದು ಬಿಸಾಕಿ, ಪಂಚ್ ಮಾಡುತ್ತಾ ಬಟ್ಟೆ ಹರಿದು ಹಾಕಿದ್ದಾಳೆ. ಕಾಲಲ್ಲಿ ಕೂಡ ವದ್ದಿದ್ದಾಳೆ. ಹೀಗೆ ನಾಲ್ವರು ಯುವತಿಯರು ಸಿಕ್ಕಾಪಟ್ಟೆ ಗಲಾಟೆ ಮಾಡಿಕೊಂಡಿದ್ದಾರೆ. ಸದ್ಯ ಈ ಘಟನೆ ಸೆಫ್ಟೆಂಬರ್ 1 ರಂದು ನಡೆದಿದ್ದು, ಟ್ವಿಟ್ಟರ್ ನಲ್ಲಿ ಸಕ್ಕತ್ ವೈರಲ್ ಆಗುತ್ತಿದೆ.
