ನಟಿ ಅಭಿನಯ, ಇವರೊಬ್ಬ ವಿಶೇಷ ಕಲಾವಿದೆ. ಮೂಲತಃ ತಮಿಳಿನವರಾದರು ಕನ್ನಡ ಚಿತ್ರಪ್ರೇಮಿಗಳಿಗೆ ಇವರ ಪರಿಚಯ ಇದೆ. ಅದು ಅಪ್ಪು ಅವರ ಸಿನಿಮಾ ಮೂಲಕ. ಅಪ್ಪು ಅವರ ಹುಡುಗರು ಸಿನಿಮಾದಲ್ಲಿ, ಅವರ ತಂಗಿ ಪಾತ್ರದಲ್ಲಿ ನಟಿಸಿದ್ದರು ಅಭಿನಯ. ಈ ನಟಿ ಆಗಿನಿಂದ ಕನ್ನಡಿಗರಿಗೆ ಸಹ ಬಹಳ ಇಷ್ಟ ಆಗಿದ್ದಾರೆ. ಇದೀಗ ಈ ನಟಿ ಹಸೆಮಣೆ ಏರುವುದಕ್ಕೆ ಸಿದ್ಧವಾಗಿದ್ದು, ಇತ್ತೀಚೆಗೆ ಎಂಗೇಜ್ಮೆಂಟ್ ಆಗಿರುವ ಸಂತೋಷದ ಸುದ್ದಿ ಹಂಚಿಕೊಂಡಿದ್ದರು. ಅಭಿಮಾನಿಗಳಿಗೆ ಇವರು ಮದುವೆ ಆಗುತ್ತಿರುವ ಹುಡುಗ ಯಾರು ಎನ್ನುವ ಕುತೂಹಲ ಶುರುವಾಗಿತ್ತು, ಯಾಕೆಂದರೆ ಅಭಿನಯ ಅವರು ತಮ್ಮ ಹುಡುಗನ ಮುಖವನ್ನು ರಿವೀಲ್ ಮಾಡಿರಲಿಲ್ಲ. ಇದೀಗ ಇವರನ್ನು ಮದುವೆ ಆಗಲಿರುವ ಹುಡುಗನ ಬಗ್ಗೆ ಮಾಹಿತಿ ಸಿಕ್ಕಿದೆ. ಅವರು ಯಾರು ಎಂದು ಫುಲ್ ಡೀಟೇಲ್ಸ್ ತಿಳಿಸಿಕೊಡುತ್ತೇವೆ ನೋಡಿ..
ಅಭಿನಯ ಅವರಿಗೆ ಕಿವಿ ಕೇಳಿಸುವುದಿಲ್ಲ, ಮಾತು ಕೂಡ ಸರಿಯಾಗಿ ಬರುವುದಿಲ್ಲ. ಆದರೆ ಇವರಲ್ಲಿ ಅದ್ಭುತವಾದ ಟ್ಯಾಲೆಂಟ್ ಇದೆ. ನಟನೆಯಲ್ಲಿ ಅಭಿನಯ ಅವರಿಗೆ ಬಹಳ ಆಸಕ್ತಿ ಇತ್ತು. ಇವರು ಚಿತ್ರರಂಗಕ್ಕೆ ಬಂದ ಹಾದಿ ಕೂಡ ಸುಲಭದ ಹಾದಿ ಆಗಿರಲಿಲ್ಲ. ಅಭಿನಯ ಅವರಿಗೆ ನಟನೆ ಹಾಗೂ ಡ್ಯಾನ್ಸ್ ನಲ್ಲಿ ಆಸಕ್ತಿ ಇದೆ ಎಂದು ಅವರ ತಂದೆ ಹೇಗಾದರೂ ಮಾಡಿ ಮಗಳನ್ನು ಮುಂದೆ ತರಬೇಕು ಎಂದು ಮಗಳಿಗೆ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಗುವ ಹಾಗೆ ಮಾಡಬೇಕು ಎಂದು ಬಹಳ ಕಷ್ಟಪಟ್ಟಿದ್ದಾರೆ. ಮೊದಲಿಗೆ ಅಭಿನಯ ಅವರಿಗೆ ಮಾತು ಬರೋದಿಲ್ಲ, ಕಿವಿ ಕೇಳಿಸುವುದಿಲ್ಲ ಎಂದು ಹಲವು ಸಿನಿಮಾ ತಯಾರಕರು ನಿರ್ದೇಶಕರು ಇವರಿಗೆ ಅವಕಾಶ ಕೊಡುವುದಕ್ಕೆ ಒಪ್ಪುವುದಿಲ್ಲ. ಸಣ್ಣ ಪುಟ್ಟ ಪಾತ್ರಗಳಲ್ಲಿ ನಟಿಸುವುದಕ್ಕೆ ಶುರು ಮಾಡುತ್ತಾರೆ..
ನಂತರ ಇವರಿಗೆ ಒಳ್ಳೆಯ ಅವಕಾಶ ಸಿಕ್ಕಿದ್ದು, ಸಮುದ್ರಖನಿ ಅವರು ನಿರ್ದೇಶನ ಮಾಡಿದ ತಮಿಳಿನ ನಾಡೋಡಿಗಳ್ ಸಿನಿಮಾದಲ್ಲಿ, ನಾಯಕನ ತಂಗಿ ಪಾತ್ರದಲ್ಲಿ ಅಭಿನಯಿಸಿದ್ದರು ಅಭಿನಯ. ಈ ಸಿನಿಮಾದಲ್ಲಿ ಅಭಿನಯ ಅವರ ನಟನೆ ಬಹಳ ಚೆನ್ನಾಗಿ ಮೂಡಿಬಂದಿತ್ತು. ಸಿನಿಮಾ ನೋಡಿದವರಿಗೆ ಇವರಿಗೆ ಮಾತನಾಡಲು ಆಗೋದಿಲ್ಲ, ಕಿವಿ ಕೇಳಿಸುವುದಿಲ್ಲ ಎಂದು ಸ್ವಲ್ಪ ಕೂಡ ಗೊತ್ತಾಗುವುದಿಲ್ಲ ಎನ್ನುವಷ್ಟು ಚೆನ್ನಾಗಿ ಅಭಿನಯಿಸಿದ್ದರು ಅಭಿನಯ. ಮುಂದೆ ಇದೇ ಸಿನಿಮಾ ಕನ್ನಡಕ್ಕೆ ರಿಮೇಕ್ ಆಯಿತು. ಸಿನಿಮಾದ ಹೆಸರು ಹುಡುಗರು. ಅಪ್ಪು ಅವರು, ಲೂಸ್ ಮಾದ ಯೋಗಿ ಹಾಗೂ ಶ್ರೀನಗರ ಕಿಟ್ಟಿ ಮೂವರು ಸಹ ಜೊತೆಯಾಗಿ ಅಭಿನಯಿಸಿದ ಸಿನಿಮಾ ಇದು. ಈ ಸಿನಿಮಾದಲ್ಲಿ ಕೂಡ ನಾಯಕನ ತಂಗಿ ಪಾತ್ರದಲ್ಲಿ ಅಂದರೆ ಅಪ್ಪು ಅವರ ತಂಗಿ ಪಾತ್ರದಲ್ಲಿ ಅಭಿನಯ ನಟಿಸಿದ್ದರು.
ಹುಡುಗರು ಸಿನಿಮಾದಲ್ಲಿ ಇವರ ನಟನೆ ಎಲ್ಲರಿಗೂ ಬಹಳ ಇಷ್ಟವಾಗಿತ್ತು, ಕನ್ನಡಿಗರು ಸಹ ಅಭಿನಯ ಅವರಿಗೆ ಪ್ರೀತಿ, ಅಭಿಮಾನ ಹಾಗು ಪ್ರೋತ್ಸಾಹ ನೀಡಿದ್ದರು. ಹುಡುಗರು ನಂತರ ಕಿಚ್ಚು ಹಾಗೂ ಇನ್ನೊಂದೆರಡು ಕನ್ನಡ ಸಿನಿಮಾಗಳಲ್ಲಿ ನಟಿಸಿದರು. ಆದರೆ ಅವರು ಹೆಚ್ಚು ಅವಕಾಶಗಳನ್ನು ಪಡೆದು, ನಟಿಸಿದ್ದು ತಮಿಳು ಸಿನಿಮಾಗಳಲ್ಲಿ. ತಮಿಳಿನಲ್ಲಿ ನಾಯಕಿಯಾಗಿ ಕೂಡ ಕೆಲವು ಸಿನಿಮಾಗಳಲ್ಲಿ ನಟಿಸಿದರು ಅಭಿನಯ. ಅವುಗಳು ಇವರಿಗೆ ಒಳ್ಳೆಯ ಹೆಸರು ತಂದುಕೊಟ್ಟಿದೆ. ಇನ್ನು ನಟ ವಿಶಾಲ್ ಅವರ ಜೊತೆಗೆ ಅಭಿನಯ ಒಂದು ಸಿನಿಮಾ ಮಾಡಿದರು, ಆ ಸಿನಿಮಾದಲ್ಲಿ ಅಭಿನಯ ಅವರು ನಾಯಕಿ. ವಿಶಾಲ್ ಅವರೊಡನೆ ಸಿನಿಮಾ ಮಾಡಿದ ನಂತರ ಅಭಿನಯ ಹಾಗೂ ವಿಶಾಲ್ ನಡುವೆ ಏನೋ ಇದೆ ಎನ್ನುವ ಗುಸುಗುಸು ಕೇಳಿಬಂದಿತ್ತು.
ವಿಶಾಲ್ ಅವರನ್ನೇ ಅಭಿನಯ ಮದುವೆ ಆಗುತ್ತಾರೆ ಎನ್ನುವ ಮಾತುಗಳು ಸಹ ಕೇಳಿಬಂದಿತ್ತು. ಆದರೆ ಈ ಬಗ್ಗೆ ಖುದ್ದು ಅಭಿನಯ ಅವರೇ ಕ್ಲಾರಿಟಿ ಕೊಟ್ಟಿದ್ದರು. ತಮ್ಮ ಹಾಗೂ ವಿಶಾಲ್ ಅವರ ನಡುವೆ ಅಂಥದ್ದೇನು ಇಲ್ಲ. ತಾವು ಮದುವೆ ಆಗುವ ಹುಡುಗ ವಿಶಾಲ್ ಅವರಲ್ಲ ಎಂದು ಅಭಿನಯ ಅವರು ಸ್ಪಷ್ಟನೆ ನೀಡಿದ್ದರು. ಅಭಿನಯ ಅವರ ಎಂಗೇಜ್ಮೆಂಟ್ ಇತ್ತೀಚೆಗೆ ನಡೆದಾಗ ಕೂಡ ಹುಡುಗ ವಿಶಾಲ್ ಅವರೇ ಇರಬಹುದಾ ಎನ್ನುವ ಅನುಮಾನ ಸಹ ವ್ಯಕ್ತವಾಗಿತ್ತು. ಏಕೆಂದರೆ ಎಂಗೇಜ್ಮೆಂಟ್ ಆಗಿರುವ ಸಿಹಿ ಸುದ್ದಿಯನ್ನು ಅಭಿನಯ ತಿಳಿಸಿದರು. ಆದರೆ ಅದರಲ್ಲಿ ತಮ್ಮ ಭಾವಿಪತಿಯ ಮುಖವನ್ನು ರಿವೀಲ್ ಮಾಡಲಿಲ್ಲ. ಇಬ್ಬರು ದೇವಸ್ಥಾನದಲ್ಲಿ ಇದ್ದಾರೆ ಎಂದು ಅನ್ನಿಸುವ ರೀತಿಯಲ್ಲಿ, ರಿಂಗ್ ಧರಿಸಿರುವ ಒಂದು ಫೋಟೋವನ್ನು ಮಾತ್ರ ಶೇರ್ ಮಾಡಿಕೊಂಡಿದ್ದಾರೆ. ಜೊತೆಗೆ ಇನ್ನೊಂದು ಆಸಕ್ತಿಕರ ವಿಚಾರ ರಿವೀಲ್ ಮಾಡಿದ್ದರು.
ಅಭಿನಯ ಅವರು ತಿಳಿಸಿದ ಮಾತಿನ ಅನುಸಾರ ಅವರು ಮದುವೆ ಆಗುತ್ತಿರುವ ಹುಡುಗ, 15 ವರ್ಷಗಳಿಂದ ಪರಿಚಯ ಇರುವವರು, ಇಬ್ಬರು ಪ್ರೀತಿಸಿ ಮದುವೆ ಆಗುತ್ತಿದ್ದಾರೆ ಎನ್ನುವ ಸುದ್ದಿ ಕೇಳಿಬಂದಿತ್ತು. ಅಷ್ಟಕ್ಕೂ ಯಾರಿರಬಹುದು ಎನ್ನುವ ಕುತೂಹಲ ಜನರಲ್ಲಿದೆ. ಅಭಿನಯ ಅವರು ಹುಡುಗನ ಫೋಟೋ ಶೇರ್ ಮಾಡಿಲ್ಲದೇ ಇದ್ದರು ಸಹ, ಹುಡುಗನ ಜೊತೆಗಿರುವ ಒಂದು ಫೋಟೋ ವೈರಲ್ ಆಗಿದೆ. ಫೋಟೋದಲ್ಲಿ ಅಭಿನಯ ಅವರು ಆತನ ಜೊತೆಗೆ ಬಹಳ ಆತ್ಮೀಯರಾಗಿದ್ದು, ಇವರು ಮದುವೆ ಆಗುತ್ತಿರುವ ಹುಡುಗ ಆತನೇ ಇರಬಹುದು ಎಂದು ನೆಟ್ಟಿಗರು ಗೆಸ್ ಮಾಡಿದ್ದಾರೆ. ಈ ಹುಡುಗನ ಹೆಸರು ಕಾರ್ತಿಕ್, ಇವರು 15 ವರ್ಷಗಳ ಹಿಂದೆ ಅಭಿನಯ ಅವರಿಗೆ ಪರಿಚಯ ಆಗಿದ್ದು ಎನ್ನಲಾಗಿದೆ.
ಮೊದಲಿಗೆ ಇಬ್ಬರು ಕೂಡ ಸ್ನೇಹಿತರ ಹಾಗಿದ್ದರು, ನಂತರ ಇಬ್ಬರ ನಡುವೆ ಪ್ರೀತಿ ಶುರುವಾಗಿ, ಇತ್ತೀಚೆಗೆ ಎಂಗೇಜ್ಮೆಂಟ್ ಮಾಡಿಕೊಂಡಿದ್ದು, ಶೀಘ್ರದಲ್ಲೇ ಮದುವೆ ಆಗಲಿದ್ದಾರೆ. ಕಾರ್ತಿಕ್ ಅವರು ಖ್ಯಾತ ಉದ್ಯಮಿ ಆಗಿದ್ದು, ಹಲವು ಕ್ಷೇತ್ರಗಳಲ್ಲಿ ತೊಡಗಿಸಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ. ಒಟ್ಟಿನಲ್ಲಿ ಈ ಜೋಡಿ ಹಲವು ವರ್ಷಗಳಿಂದ ಪ್ರೀತಿ ಮಾಡುತ್ತಿದ್ದು, ಈಗ ಕೊನೆಗು ಮದುವೆ ಆಗುವ ನಿರ್ಧಾರ ಮಾಡಿ, ಜೀವನದಲ್ಲಿ ಹೊಸ ಹೆಜ್ಜೆ ಇಡುವುದಕ್ಕೆ ಸಜ್ಜಾಗಿದ್ದಾರೆ. ಹೊಸ ಜೋಡಿಗೆ ಒಳ್ಳೆಯದಾಗಲಿ, ಅಭಿನಯ ಅವರ ಮುಂದಿನ ಜೀವನ ಚೆನ್ನಾಗಿರಲಿ, ಒಳ್ಳೆಯ ಸಿನಿಮಾಗಳಲ್ಲಿ ನಟಿಸುವ ಅವಕಾಶ ಬರಲಿ ಎಂದು ನಾವು ಕೂಡ ವಿಶ್ ಮಾಡೋಣ.
